O 2 de abril celébrase o Día internacional do libro infantil e xuvenil, unha data especial que conmemora o aniversario do nacemento de Hans Christian Andersen, o mestre dos contos de fadas. Quen non leu algunha vez historias tan marabillosas como O parruliño feo, A sereíña ou O soldadiño de chumbo?

Na biblioteca queremos sumarnos a esta celebración cunha actividade moi especial para os pequenos e pequenas da casa. O sábado 5 de abril, a partir das 11:00 da mañá, teremos unha sesión multidisciplinar que incluirá:

• Unha breve introdución sobre o significado desta conmemoración.
• Un achegamento á figura de Hans Christian Andersen e o seu legado literario.
• Un obradoiro creativo onde os nenos e nenas poderán dar renda solta á súa imaxinación inspirándose nos seus contos.

Será unha mañá chea de historias, fantasía e diversión, perfecta para descubrir ou redescubrir a maxia dos contos clásicos. Agardámosvos na biblioteca!

Para participar:

• Os nenos e nenas teñen que ter os 4 anos cumpridos e o carné de rede de bibliotecas sen sancións pendentes.
• É necesario reservar praza a partir do martes 1 de abril as 16:00 horas no mostrador da sala de adultos/as, ou chamando ao 981382173 en horario de apertura.