Que quere dicir “quen ten un amigo ten un tesouro”? E por que dicimos que alguén “ten un morro que o pisa”? Con Refrán vello, xogo novo, os nenos e nenas achéganse ao mundo dos refráns e das frases feitas dun xeito lúdico e participativo.

A través de xogos, asociacións e pequenos retos, descubrirán expresións da nosa lingua, aprenderán o seu significado e comprobarán que, moitas veces, as palabras poden agochar historias e significados sorprendentes.

A actividade está pensada para fomentar a comprensión e o uso da lingua, ampliar o vocabulario e espertar a curiosidade pola cultura popular e pola tradición oral.

Refrán vello, xogo novo é unha oportunidade para aprender, rir e xogar coas palabras, descubrindo que detrás de cada refrán ou frase feita hai unha pequena historia que contar.

O próximo sábado 26 ás 11:00 h. esperámoste na Biblioteca Municipal de Narón!

Para participar:

• Os nenos e nenas teñen que ter os 7 anos feitos e dispoñer do carné da Rede de Bibliotecas de Galicia sen sancións pendentes.
• É necesario reservar praza a partir do martes 22 de setembro ás 16:00 h., de maneira presencial ou chamando ao 981 382 173 en horario de apertura.