MONTSE FUNCASTA

Montse López Funcasta (Vilalba, 1973), comezou coa súa aficción á fotografía fai uns cinco anos na “Casa da muller” de Ferrol.

Dende entón realizou varios cursos monográficos especializados (iluminación, composición fotográfica, procesado con Photoshop, lightpainting…) da man de fotógrafos xa experimentados como Daniel Lois, Alicia Seoane Orro, Eduardo Pérez Gil, Fran Nieto, Simón López, Carlos Caraglia, Gimena Berenguer e Rocío Brage, coa que segue formándose en Cursos Avanzados de Fotografía na Universidade da Coruña, Campus de Ferrol.

A súa colección Espacios revelados foi exposta na sede do PSOE en Ferrol. No Centro cívico de Caranza expuxo Caranza a través do tempo e no Café-bar Las Palmeras, de Ferrol, Envés, a exposición da que agora podemos disfrutar na nosa biblioteca.

Ademáis, os seus traballos pódense ver:

• No Restaurante D’Ge en Esteiro. Colección cedida de maneira permanente.
• En Ferrol Spain [1]: perfil de Facebook onde publica diariamente os seus traballos sobre Ferrol e Comarca.
• En Montse Funcasta Fotografía [2]: páxina de Facebook onde publica principalmente paisaxe e retrato.

ENVÉS

Da combinación de paisaxe e retrato xorde Envés, unha colección de quince fotografías nas que Funcasta plasma a unha deportista nun entorno urbán, alleo ao seu centro deportivo.

A protagonista destas imaxes é a naronesa Erea Castro, ximnasta pertencente desde os catro anos ao Club Acordes, co que participa a nivel individual e en conxuntos. Coas súas compañeiras acadou a medalla de bronce no último Campeonato do mundo de ximnasia estética de grupo.

Podedes ver a exposición durante todo o mes de febreiro en horario de apertura da biblioteca:

• Luns a venres de 9:30 a 13:30 e de 16:00 a 21:00 horas.
• Sábados de 10:00 a 13:00 horas.