O venres 9 de xuño ás 19:30 horas, a sala multiusos da segunda planta da biblioteca acollerá a presentación de Gotas de rocío, copos de nieve, da naronesa Finy Sesmonde.

Nesta novela Sesmonde fai un percorrido dende finais do século XIX ata os nosos días da man de catro xeracións de mulleres que sofren todo tipo de adversidades e saen adiante grazas ao seu valor, ás súas ganas de vivir e á loita continua. Estes son os valores que a autora quere destacar por enriba de todo na súa obra.

A narración está ambientada en Curtis, Ferrol e Narón e descibre lugares moi recoñecibles para todas as persoas que vivimos na contorna. Tamén os temas principais da novela poden resultar familiares para moitos e moitas de nós: a emigración da poboación galega, os grandes amores (ás veces prohibidos) ou os malos tratos son experiencias que, se non de maneira directa, todos e todas coñecemos.

No acto de presentación da novela intervendrán:

• Finy Sesmonde, autora.
• Guillermo Sánchez Fojo, alcalde accidental do Concello de Narón.
• Carmen López Díaz, psicóloga de ALMAT (Asociación de loita contra os malos tratos), á que vai destinada unha parte dos beneficios da venta do libro.

O acceso á sala é libre ata completar aforo. A autora asinará exemplares ao finalizar o acto.