Integración da biblioteca na rede de centros con carné único (II)
A integración da Biblioteca Pública Municipal de Narón na rede de bibliotecas de Galicia que comparten un carné único está cada vez máis preto.
Como xa vos avanzamos, cada persoa usuaria recibirá un novo carné co que poder acceder ao servizo de préstamo en todos os centros pertencentes á rede.
No momento no que a nosa biblioteca pase a formar parte da rede, tomaranse en conta os datos de usuarios/as xa existentes na nosa base de datos. Para non perder a condición de usuario/a (que implicaría ter que darse de alta novamente), precisamos que todas aquelas persoas que facedes uso do servizo teñades os datos actualizados.
Necesitaremos:
- DNI: hai moitos usuarios/as infantís que no momento de darse de alta non tiñan DNI e agora xa o teñen, neses casos habería que actualizar as fichas.
- Nome e apelidos.
- Datos de contacto (enderezo postal, enderezo electrónico e teléfono) actualizados.
- Data de nacemento: imprescindible para que o sistema diferencie usuarios/as infantís de adultos/a).
Podedes actualizar estes datos:
|
De maneira presencial |
No mostrador da biblioteca |
|
Por correo postal |
Biblioteca Pública Municipal de Narón R/ 25 de xullo, s/n 15570 Narón, A Coruña |
|
Por teléfono |
981382173 (en horario de apertura) |
|
Por correo electrónico |
Por favor, tede coidado de non compartir estes datos publicamente nas nosas redes sociais.
