Todos os usuarios e usuarias da biblioteca tedes unha cousa en común: o amor polos libros. Se aínda es dos que prefiren a lectura en papel ou a compaxinas coa lectura en formato electrónico, ofrecémosche unha actividade para que poidas gardar e transportar os teus prezados obxectos dun xeito personalizado: O obradoiro de deseño de bolsas e mochilas para lectores/as.

Con fieltros, retais, cintas, abalorios e moitos outros obxectos deseñaremos as bolsas coas que traer e levar os nosos libros á biblioteca, á praia, ao parque ou a calquera outro sitio onde nos guste disfrutar da lectura.

As bolsas e demáis elementos para este obradoiro corren da nosa conta, ti só tes que traer a túa imaxinación. 

Esta actividade vaise desenvolver o xoves 24 de abril ás 18:30 h. e está destinada a público adulto (a partir de 16 anos).

Para participar:

• Tes que ter o carné da rede de bibliotecas sen sancións pendentes.
• Reserva praza a partir do luns 15 de abril ás 16:00 horas no mostrador da sala de adultos/as ou chamando ao 981382173 en horario de apertura.