As obras expurgadas do fondo infantil da Axencia de lectura municipal da Gándara serán doadas a particulares e entidades que as soliciten.
A Axencia de lectura da Gándara segue no seu proceso de actualización e renovación dos fondos.
Das tarefas de expurgo dos materiais infantís máis antigos e/ou menos demandados xordeu un bo lote de libros que agora poñemos a disposición de toda a veciñanza. O fondo expurgado da sección infantil estará exposto dende o luns 29 de xullo ata o martes 6 de agosto en horario de apertura para que todas as persoas particulares ou entidades pasen a retirar o que lles poida resultar de interese.
O horario da axencia de lectura en verán é o seguinte:
- Luns de 10:30 a 13:30.
- Martes de 18:00 a 21:00.
- Xoves de 18:00 a 21:00.
Etiquetas:
Expurgo
Doazóns
Literatura infantil
Axencia de lectura municipal da Gándara
