Este sábado 10 de outubro ás 11:00 da mañá retomamos as actividades infantís do programa Biblioespazo 2020 que levaba suspendido dende marzo pola Covid19.

Nesta ocasión a contacontos Fátima Fernández ofrece ao público infantil (a partir de 3 anos) e familiar o seu espectáculo Se os contos puidesen contar… unha actividade para preguntármonos que pasaría se os libros de contos decidisen que eles tamén queren inventar as súas historias, que os textos que teñen “tatuados” non lles valen, que as ilustracións contan outras cousas.

Para participar nesta actividade:

  ♦ Os nenos e nenas deben ter o carné da rede de bibliotecas sen sancións pendentes.

  ♦ É imprescindible reservar praza a partir do martes 6 de outubro na sala de adultos/as ou chamando ao 981382173 en horario de apertura.

IMPORTANTE:

• Por razóns de seguridade todos os nenos e nenas teñen que quedar acompañados/as dunha persoa adulta.
• Por favor, agardade no exterior ata ser chamados/as gardando a debida distancia de seguridade co resto das persoas. Unha traballadora da biblioteca estará pendente da vosa chegada e organizará a vosa entrada para facela de maneira segura.
• O espazo na sala de actividades estará disposto para cumprir con todas as medidas de seguridade (ventilación, desinfección, distancia de seguridade).
• Lembrade que as persoas a partir de 6 anos deben levar posta a máscara en todo momento.