Dende este momento estamos a recoller os datos de todas as persoas interesadas en formar un grupo que contará para a súa posta en marcha cun mínimo de 6 participantes e un máximo de 18.

COMO FUNCIONA:

• As xuntanzas celebraranse unha vez ao mes durante hora e media, fixándose previamente as datas nas reunións.

• Ofreceranse varios títulos de libros entre os cales os participantes escollerán o que máis atractivo lles resulte.

• Todos os/as asistentes exporán os aspectos que lles resultasen máis relevantes sobre o libro, podendo xerar diversidade de opinións que resulten interesantes como puntos de vista.

• Ao finalizar cada xuntanza adicarase un tempo a escoller o título do seguinte libro de lectura, que terá que ser lido antes da seguinte sesión.

CALES SON OS SEUS OBXECTIVOS:

1. Fomentar a lectura.

2. Establecer un vínculo entre persoas interesadas nun tema común.

3. Aportar puntos de vista motivadores para observar a vida con optimismo e ir na busca da felicidade.

4. Aumentar o crecemento e desenvolvemento persoal das persoas asistentes.

5. Aprender con este tipo de lectura positiva a tomar decisións e facer cambios que serviran para sentirse máis felices, con máis enerxía e maior seguridade.

6. Comunicarse asertivamente sendo capaces de expresar e pedir o que se quere (necesidades, desexos, dereitos que se teñen fronte aos demáis).

A QUEN VAI DIRIXIDO?

• A calquera adulto/a que teña interese no desenvolvemento persoal e quera coñecerse mellor como persoa.

• Persoas interesadas en relacionarse cos demáis e establecer conversa en torno a un tema común.

• En xeral, calquera persoa que quera aumentar o seu crecemento persoal. 

DURACIÓN:

• O Clube de Lectura terá unha duración de seis meses, de xaneiro a xuño.

• A actividade desenvolverase unha vez ao mes, tras fixar previamente un día determinado para todos os meses. Terá unha duración de hora e media.

ASISTENTES:
O Club de Lectura poderase iniciar cun mínimo de 6 asistentes e un máximo de 18. Unha vez completado ese máximo establecerase unha lista de espera e non poderá inscribirse ninguén ata que algún dos seus membros se dese de baixa.

QUEN IMPARTE ESTE OBRADOIRO?
Sonia López Díaz:

• Coach Profesional con certificación internacional polo Instituto Europeo de Coaching

• Practitioner Coach en Programación Neurolinguística polo Instituto Europeo de PNL.

Se estás interesado/a en participar neste Club de Lectura podes preinscribirte na propia biblioteca, chamando por teléfono ao 981 382 173 ou enviando un correo a biblioteca.central@naron.es [1] cos teus datos: Nome e apelidos, teléfono e enderezo electrónico.

Unha vez formado un grupo suficiente para o establecemento do club poñerémonos en contacto contigo para concretar a data da primeira xuntanza.