A biblioteca convida aos papás e mamás de bebés ata 36 meses, así como ás persoas esperando un fillo/a a participar no Obradoiro de alimentación complementaria que se vai desenvolver os días 9, 10 e 11 de decembro de 18:00 a 20:00 horas.
A partir dos seis meses os bebés toman contacto con alimentos diferentes ao leite materno e experimentan novos sabores e texturas.
Falaremos de cales son os alimentos máis adecuados ao principio e de como introducilos, así como dos hábitos alimentarios que debemos fomentar nos nenos/as. Tamén adicaremos unha sesión á información ao consumidor que ofrecen as etiquetas, aprendendo o significado da información nutricional para poder escoller os produtos máis saudables para toda a familia.
Os contidos do obradoiro repartiranse da seguinte maneira:
Martes 9:
- Lactancia materna. Recomendacións da OMS
- Que é a alimentación complementaria. Por que, como e cando introducila.
- Necesidades nutricionais do bebé. Grupos de alimentos: froitas, verduras, cereais, carnes, peixes, ovos, legumes, lácteos, auga.
- Alimentos non recomendables.
Mércores 10:
- Triturado ou enteiro? Purés ou “Baby led waning”. Vantaxas.
- Preparación e almacenamento seguro dos alimentos. Pautas hixiénicas.
- Hábitos alimentarios saudables. Erros comúns.
Xoves 11:
- Etiquedado de alimentos. Pautas xerais.
- Que significa a información nutricional. Aprender a elexir produtos saudables a partir das etiquetas.
- Comparación de etiquetas de produtos infantís. Exemplos reais.
As prazas para este obradoiro son limitadas. Podedes facer a reserva a partir do luns 1 de decembro ás 16:00 horas, na propia biblioteca ou chamando ao 981 382 173.
