A sala de exposicións da planta soto da biblioteca acolle novamente unha mostra, desta vez fotográfica. Dende o martes 3 e ata o martes 31 de maio poderedes visitar Xeitos, unha colección composta por 34 fotografías de 17 autores e autoras pertencentes ao Grupo Bazán.

O Grupo Bazán é unha entidade con máis de catro décadas de historia a favor da promoción do deporte e a cultura. A súa sección de fotografía naceu no ano 1994 para que persoas con inquedanzas nesta disciplina puideran compartir a súa paixón. Durante este tempo o grupo foi medrando e desenvolvendo actividades coma debates, cursos ou exposicións. Formou a numerosas persoas e difundiu a cultura fotográfica na comarca de Ferrolterra.

Os autores e autoras que participan na exposición Xeitos son:

Alejandro Martínez, Antonio Carrete, Bea Rodríguez, Carlos Cruz, Chus Villamar, David Souto, Fer Cendán, Fran Suárez, Gelis López, José Amigo, Luis Losada, Luz González, Marcos García, Miguel Llano, Mónica Lorenzo, Pablo Mauriz e Pepe Botella.

O horario de visitas da exposición é:

• De luns a venres de 17:00 a 20:00 horas.
• Sábados de 10:00 a 13:00 horas.

Para máis información deixámosvos enlaces a:

Web do Grupo Bazán [1].   

Blog da sección de fotografía do Grupo Bazán. [2]