O mércores 3 de agosto ás 19:00 horas a sala multiusos da planta soto da biblioteca acollerá a presentación do libro Hasta el infinito y más allá, da escritora naronesa María Isabel Ramos Breijo.

O amor de Ramos Breijo pola literatura espertou na súa infancia coa lectura de obras de aventuras. Os seus intereses foron mudando na xuventude cara á novela negra sueca de autores/as como Camilla Läckberg, Henning Mankell e Stieg Larsson.

Comezou a publicar os seus primeiros relatos na revista Amigos de la poesía y la literatura de Narón e colaborou en diferentes talleres literarios entre os que destaca Pluma Encendida. O libro que nos presenta, Hasta el infinito y más allá, recolle vintetrés relatos curtos de temática diversa e está editado por Círculo Rojo. As ilustracións que acompañan os relatos son de Dolores Breijo Santiago e Sabela Castrillón Ramos, nai e sobriña respectivamente da autora.

O acto de presentación deste libro está aberto ao público en xeral ata esgotar o aforo dispoñible da sala.