Como cada ano, celebramos o Día internacional das bibliotecas cunha xornada festiva na Praza de Galicia. O sábado seguinte ao 24 de outubro (neste caso sábado 28) sacamos a biblioteca á rúa para ofrecer ao público actividades para todas as idades.

Queremos que a carpa onde todas estas actividades van ter lugar sexa un espazo de todos e todas e que poidades sentir que vos pertence, por iso convidámosvos a participar na elaboración dos elementos que a decorarán.

O martes 24 de outubro ás 18:00 horas estaremos confeccionando dúas grilandas de temática relacionada co libro e a lectura nun obradoiro no que poden participar persoas de todas as idades.

Para participar:

• Todas as persoas teñen que ter o carné da rede de bibliotecas sen sancións pendentes.
• É necesario reservar praza a partir do mércores 18 de outubro ás 16:00 horas, de maneira presencial ou chamando ao 981382173 en horario de apertura.