O vindeiro venres 28 de febreiro, a biblioteca acollerá a presentación do libro Lola, después del Faro, a última novela do escritor John Sullivan. O evento comezará ás 18:00 horas e contará coa participación da escritora naronesa Isabel Ramos Breijo, quen acompañará ao autor nesta ocasión tan especial.

John Sullivan naceu en San Fernando (Cádiz) o 17 de decembro de 1980. Desde a adolescencia desenvolveu unha grande afección pola literatura e, especialmente, pola escritura.

Tras gañar o Premio Pimienta de relato erótico nas súas edicións de 2018 e 2019, Sullivan publicou en 2021 o seu primeiro libro: Nombres de mujer. Un ano máis tarde combinou o erotismo con tramas de misterio na novela El Faro de Estela.

A obra que agora nos presenta, Lola después del Faro, (ExLibric, 2024) é unha novela curta de misterio que retoma a historia iniciada en El Faro de Estela. Neste novo libro, o autor profunda na trama e na historia dos personaxes, reducindo o erotismo a detalles puntuais. Se na primeira novela falaba de amor, perdón e redención, esta obra centra o seu relato na amizade pura, na importancia das pequenas cousas e en cómo a tenrura e os bos sentimentos poden vencer o odio, encarnado polo antagonista Rafael.

Unha das curiosidades desta obra é o uso da música en español dos anos 90, que serve como fío condutor da trama, nomea os capítulos e achega simbolismo a través das súas letras.

A presentación será unha oportunidade única para achegarse ao autor, descubrir os detalles que hai tras a novela e gozar dun evento literario especial.

O acto está aberto ao público en xeral ata completar o aforo dispoñible da sala. Tras a súa finalización todas as persoas que así o desexen poderán adquirir un exemplar.