Atención, persoas curiosas! A biblioteca establece dúas xornadas de visitas guiadas abertas ao público en xeral para conmemorar o Día internacional do libro.

Se algunha vez te preguntaches que hai mais alá das portas que sempre están pechadas, se aínda non coñeces todos os servizos que prestamos ou se non tes moi claro como están estructuradas as nosas seccións, esta é a túa oportunidade de descubrilo!

A biblioteca organiza dúas visitas guiadas:

• O xoves 24 de abril de 11:00 a 12:00 para o público adulto.
• O xoves 24 de abril de 18:00 a 19:00 para público en xeral.

nas que poderedes resolver estas ou calquera outras dúbidas que teñades acerca do noso servizo.

Ademais podedes coñecer tamén a Axencia de lectura da Gándara noutra visita guiada o venres 25 de abril de 17:30 a 18:30. Será unha boa oportunidade de descubrir os servizos que se prestan en exclusividade neste dispositivo.

Para participar en calquera das visitas só tedes que reservar a vosa praza a partir do luns 21 de abril ás 9:30 horas. Podedes facelo de maneira presencial ou chamando ao 981382173 en horario de apertura.