O mércores 2 de abril proxectaremos "Clara Campoamor, la mujer olvidada", película que narra a loita desta muller que acadou o sufraxio feminino en España.
A película ofrécenos unha visión crítica dos roles de xénero e supón un chamamento claro á súa desestructuración para acadar unha sociedade máis equitativa. Pon de manifesto os grandes logros acadados polas mulleres que loitaron na súa época por conseguir a igualdade cos homes.
Tras a proxección da película contaremos con Loreto Primo e Tareixa Pereiro, da Marcha Mundial das Mulleres, para un debate e reflexión sobre os dereitos das mulleres na época na que se enmarca a película e na actualidade.
- 17:00-18:30 Proxección da película.
- 18:30-19:15 Debate.
A película foi cedida polo Fondo Galego de Cooperación e Solidariedade. A entrada á proxección e ao debate é libre ata completar aforo.
