Dende o tempo dos celtas, coa chegada do outono os nosos antepasados apuraban o remate da tempada de colleitas e as familias preparábanse para as longas e frías noites de inverno.

Nese momento as despensas desbordaban cereal, mel, viño, carne curada da matanza e, por suposto, castañas.

O sábado 22 de novembro ás 11:00 recibimos a Caxoto Contacontos co seu espectáculo Unha presada de castañas, co que fai un repaso ás nosas tradicións relacionadas co magosto mentres elabora un zoncho, o colar de castañas que cando era neno lle facía a súa avoa para levar á escola.

Para participar nesta actividade:

• Os nenos e nenas teñen que ter os catro anos cumpridos e carné da rede de bibliotecas sen sancións pendentes.
• É necesario reservar praza a partir do martes 18 de novembro ás 16:00 horas, de maneira presencial ou chamando ao 981382173 en horario de apertura.