Achégase o Samaín e na biblioteca agochouse un misterio... os calacús desapareceron! Seremos quen de atopalos?

Preparamos unha actividade para achegármonos á tradición do Samaín en Galicia a través dos contos, os xogos e a creatividade. Comezaremos cunha breve presentación para descubrir que é o Samaín e, a continuación, gozaremos dun conto cheo de misterio.

Despois converteremos a biblioteca nun lugar de busca: teremos que atopar os calacús agochados entre os libros. Cada un deles gardará unha pequena sorpresa para seguir gozando das historias na casa.

E, para rematar, cada nena e cada neno poderá crear o seu propio calacú de Samaín.

Esta actividade terá lugar o sábado 31 de outubro ás 11:00 horas.

Para participar:

• Os nenos e nenas teñen que ter os catro anos feitos e o carné de rede de bibliotecas sen sancións pendentes.
• É necesario reservar praza a partir do martes 27 de outubro ás 16:00 horas, de maneira presencial ou chamando ao 981382173 en horario de apertura.

Será unha actividade para descubrir as tradicións galegas, xogar, escoitar historias e, sobre todo, gozar da biblioteca dun xeito diferente.