Un obradoiro para nenos e nenas a partir de 6 anos que terá como resultado un divertido vídeo co que conmemorar o Día da biblioteca.
ACTUALIZACIÓN: Xa podes ver as fotografías do proceso de creación do vídeo na Galería. [1]
Achégase a data na que celebramos o Día da biblioteca e queremos facelo por todo o alto.
Lembras o lip-dub que fixemos fai un ano [2]? Pasámolo en grande preparando este obradoiro cos nenos e nenas participantes.
Este ano queremos facer algo igual de divertido. Nesta ocasión será un vídeo realizado coa técnica de Time lapse. Unha cámara fixa faranos unha chea de fotos mentres traballamos nun proxecto. O resultado de unir todas as fotos será o noso vídeo conmemorativo.
Traballaremos no obradoiro o sábado 10 de outubro de 10:00 a 11.45 e o vídeo presentarase en torno ao día 24, Día da biblioteca.
Anímaste a participar? Estes son os requisitos:
- Ter 6 anos ou máis.
- Ter o carné da biblioteca.
- Reservar praza a partir do luns 5 de outubro ás 16:00 horas. Podes facelo no mostrador da biblioteca ou chamando ao 981 382 173.
- Ter asinada a autorización para a publicación de imaxes de menores de idade.
