As festas de Nadal están pretiño e, do mesmo xeito que decorades os vosos fogares, gustaríanos que o fixesedes coa biblioteca pública, que é tamén a vosa casa.

Para elo gustaríanos que troxesedes un adorno de Nadal feito coas vosas mans. Podedes crealo a partir de cero ou levar da biblioteca unha bola para personalizar. Cubrídea de purpurina, forrádea de tela, envolvédelle un lazo, pegádelle papel de xornal, pintádea co aerosol que vos sobrou do Samaín, poñédelle orellas de rato ou gorro de Apalpador..O resultado será un adorno persoal co que expresar o voso agarimo pola biblioteca.

Podedes inspirarvos botando un ollo ás ideas que nos ofrecen nestas páxinas:

20 orixinais bolas de Nadal que ti podes facer [1]

Decorar bolas de Nadal [2]

Manualidades navideñas con esferas [3]

Esta fantástica idea recollímola nos nosos compañeiros dos Centros Comunitarios de Narón.