A posta en marcha dun club de lectura para adultos/as na nosa biblioteca é unha das grandes demandas que se veñen producindo dende fai xa moito tempo.

Por fin chegou o momento tan esperado! O primeiro clube arrinca neste mes de outubro.

Esta actividade, destinada a persoas a partir de 16 anos, consistirá na lectura simultánea dun libro cada mes. Os libros serán proporcionados en préstamo polo Club de lectura da Biblioteca de Galicia.

As xuntanzas para comentar os diferentes aspectos das obras e debatir sobre a súa lectura terán unha frecuencia bimensual (unha xuntanza cada quince días) e unha duración de hora e media. As xuntanzas serán de tarde, no horario que se estableza na xornada de presentación.

Para participar:

O mércores 20 de setembro ás 9:30 abrimos o prazo de inscrición. A reserva da praza pode facerse de maneira presencial ou chamando ao 981382173 en horario de apertura. Terán preferencia as persoas que no momento de abrirse o prazo xa teñan o carné da biblioteca.

O xoves 28 de setembro terá lugar a xornada de presentación onde se establecerá o horario das reunións e se resolverán todas as dúbidas. A esta xornada serán convocadas as persoas con praza e as primeiras en lista de espera.