Retomamos as sesións do Club de lectura para persoas adultas
Tras o descanso estival, o programa Biblioespazo 2018 retoma as sesións do Club de lectura para adultos/as.
Como novidade para este novo “curso”, as xuntanzas celebraranse unha vez ao mes e non de maneira quincenal como se viña facendo ata o de agora.
A Biblioteca de Galicia seguirá proporcionando os libros escollidos para ler cada mes, polo que a actividade non supón gasto algún para as persoas participantes.
Xa temos as datas e os horarios para as xuntanzas deste trimestre, que serán:
- Martes 16 de outubro de 19:00 a 20:30.
- Martes 13 de novembro de 19:00 a 20:30.
- Martes 11 de decembro de 19:00 a 20:30.
INSCRICIÓNS:
A partir do luns 17 de setembro ás 9:30 horas.
A reserva da praza pode facerse de maneira presencial ou chamando ao 981382173 en horario de apertura.
A partir dese mesmo día as persoas que obteñan praza poderán retirar en préstamo a primeira das lecturas escollidas.
