Tempada 2025-2026 dos nosos Clubs de lectura

Tras o breve parón de verán poñémonos xa en marcha para preparar unha nova tempada de Clubs de lectura na biblioteca.

Club de lectura feminista:

Xuntámonos unha vez ao mes para coñecer, reflexionar e compartir sobre diferentes temas e cuestións desde unha perspectiva feminista a través da lectura de diferentes autoras. As sesións celébranse sempre en xoves de 18:00 a 19:30 h.

Dende o mércores 27 ata o venres 29 de agosto abrimos o prazo de preinscrición nesta actividade na que ofertamos 12 prazas. A preinscrición pode facerse no horario de apertura da biblioteca tanto de maneira presencial como chamando ao 981382173.

O martes 2 de setembro as prazas outorgaranse da seguinte maneira:

• Se hai un número inferior ou igual de solicitudes que de prazas: adxudicación directa.
• Se hai un número superior de solicitudes que de prazas: celebrarase un sorteo ás 12:00 da mañá no que poderán estar presentes todas as persoas preinscritas. No sorteo establecerase a orde de outorgamento de prazas e da lista de reservas.

As persoas que obteñan praza nesta actividade serán informadas das lecturas para o primeiro trimestre e poderán levar en préstamo a correspondente á primeira xuntanza.

 As datas para as sesións no primeiro trimestre serán:

• Xoves 2 de outubro.
• Xoves 6 de novembro.
• Xoves 4 de decembro.

Club de lectura xeral:

Seguirémonos reunindo un martes ao mes de 19:00 a 20:30 horas para comentar lecturas comúns.

Dende o mércores 27 ata o venres 29 de agosto abrimos o prazo de preinscrición nesta actividade na que ofertamos 12 prazas. A preinscrición pode facerse no horario de apertura da biblioteca tanto de maneira presencial como chamando ao 981382173.

O martes 2 de setembro as prazas outorgaranse da seguinte maneira:

• Se hai un número inferior ou igual de solicitudes que de prazas: adxudicación directa.
• Se hai un número superior de solicitudes que de prazas: celebrarase un sorteo ás 12:00 da mañá no que poderán estar presentes todas as persoas preinscritas. No sorteo establecerase a orde de outorgamento de prazas e da lista de reservas.

As persoas que obteñan praza serán informadas ese mesmo día. A primeira das lecturas a comentar estará dispoñible na biblioteca a partir do martes 16 de setembro.

As datas para as xuntanzas no primeiro trimestre serán:

• Martes 14 de outubro.
• Martes 11 de novembro.
• Martes 9 de decembro.