Os contos do fillo da Luca

Este venres 15 de decembro ás 19:30 temos o último espectáculo de contos para público adulto deste 2023. Recibimos a Damián Alonso con Os contos do fillo da Luca, unha sesión de historias recopiladas, recoñecidas ou non, cun final previsible ou non! O fillo da Luca cóntanos de onde ven, fálanos da súa infancia e achéganos algunha das historias que o marcaron ou o fixeron reflexionar!

Esta sesión está orientada a público adulto a partir de 14 anos.

A asistencia a este espectáculo é libre e de balde ata completar o aforo dispoñible da sala. Non precisades facer unha inscrición previa.