Abril, mes do libro

BIBLIOTECA MUNICIPAL CENTRAL

Sábado 6 de abril ás 11:00 h:

E ti que representas?, obradoiro infantil sobre as emocións.

Para nenos e nenas a partir de 4 anos.

Inscricións a partir do martes 2 de abril ás 16:00 horas no mostrador da sala de adultos/as ou chamando ao 981382173 en horario de apertura.Maís información premendo aquí.

Do luns 8 ao sábado 13 de abril durante todo o horario de apertura:

Trocolibro.

Haberá unha mesa disposta para o intercambio de libros na planta baixa.

Todas as persoas que o desexen poderán levar un dos libros da mesa, independentemente de se deixan outro a cambio ou non. O máximo de libros, tanto para donar como para levar, será de un por persoa.

Do luns 22 ao venres 26 de abril, de 17:00 a 20:00 horas:

VII Feira-mostra do libro usado e de segunda man.

A biblioteca ofrecerá na planta baixa da sala de adultos/as dez postos de venta e intercambio de libros para dez persoas usuarias da biblioteca. Os postos outorgaranse por orde de entrada da solicitude no Rexistro xeral do concello.

Inscricións a partir do luns 1 de abril mediante solicitude presentada no Rexistro xeral do concello. Máis información premendo aquí.

Mércores 24 de abril ás 18:30 h.

Obradoiro de mochilas e bolsas para lectores/as.

Para persoas a partir de 16 anos. Obradoiro no que decoraremos mediante diferentes técnicas artísticas bolsas e mochilas que han de servir para levar e traer os libros que tomamos en préstamo na biblioteca.

Inscricións a partir do luns 15 de abril ás 16:00 horas no mostrador da sala de adultos/as ou chamando ao 981382173 en horario de apertura.

Sábado 27 de abril ás 11:00 h.

Autores/as con pegada, obradoiro creativo para nenos e nenas a partir de 4 anos.

Os nenos e nenas celebrarán o Día internacional do libro converténdose en autores e autoras dos seus propios álbumes ilustrados. Empregarán a dactilografía para decorar os libros que logo quedarán expostos na sala infantil durante unha semana.

Inscricións a partir do martes 22 de abril ás 16:00 horas no mostrador da sala de adultos/as ou chamando ao 981382173 en horario de apertura.

AXENCIA DE LECTURA MUNICIPAL DA GÁNDARA

Luns 8 a mércores 17 de abril de 17:00 a 19:00 horas.

Exposición bibliográfica: A ciencia en feminino.

Durante estas datas e no horario de apertura habitual haberá unha mostra de contos e  biografías de mulleres científicas para complementar e reforzar a actividade do mércores 10 de abril.

Mércores 10 de abril ás 18:00 horas.

Descubrindo a Ángela Ruiz Robles: obradoiro “enciclopedia mecánica”.

Arantxa Serantes, autora do libro O valor das ideas: a precursora do libro electrónico, pequena biografía de Ángela Ruiz Robles, ven para ofrecer aos nenos e nenas entre 6 e 12 anos un obradoiro no que se vai recrear o invento de Ángela Ruiz Robles, a enciclopedia mecánica que se considera precursora do libro electrónico.

Inscricións a partir do xoves 4 de abril ás 16:00 horas no mostrador da sala de adultos/as ou chamando ao 981382173 en horario de apertura.

Máis información aquí.

Do luns 22 ao venres 26 de abril:

O meu libro favorito

Haberá un photocall instalado na entrada da Casa da mocidade con diferentes elementos para que os usuarios e usuarias poidan sacar unha fotografía co seu libro favorito.

Agasallarase cun lote de libros á fotografía con máis “gústame” de todas as subidas a Instagram entre o luns 22 e o domingo 28 de abril nomeando a conta da biblioteca @bibliotecadenaron e coa etiqueta #OMeuLibroFavoritoBPN. As fotografías poden estar feitas neste espazo habilitado ou en calquera outro.

LUDOTECA / AXENCIA DE LECTURA MUNICIPAL DA SOLAINA

Luns 22 e martes 23 de abril de 18:00 a 19:00 h.

Obradoiro de elaboración de marcapáxinas.

• Luns 22 de abril de 18:00 a 19:00: Para nenos e nenas de 7 a 12 anos.
• Martes 23 de abril de 18:00 a 19:00: Para nenos e nenas de 3 a 6 anos.

Elaboraranse distintos formatos de marcapáxinas de maior ou menor dificultade dependendo das idades e habilidades dos/as menores.

Mércores 24 de abril de 16:00 a 17:00 h.

Contacontos.

Para nenos e nenas entre 3 e 12 anos.

Os nenos e nenas máis grandes exercen esta vez de contacontos para os máis pequenos/as. Coa axuda das educadoras seleccionarán e prepararán os seus contos preferidos para compartir cos/as compañeiros/as.

Xoves 25 de abril de 16:00 a 17:00 h.

Obradoiro de minilibros e cadernos de notas.

Para nenos e nenas entre 7 e 12 anos.

Os nenos e nenas elaborarán un pequeno libro de peto que pode incluir ilustracións, textos ou mesmo servir como caderno de notas.

Luns 29 e martes 30 de abril de 18:00 a 19:00 h.

Obradoiro de pin en forma de libro.

• Luns 29 de abril de 18:00 a 19:00: Para nenos e nenas de 7 a 12 anos.
• Martes 30 de abril de 18:00 a 19:00: Para nenos e nenas de 3 a 6 anos.

Utilizando cartón, corda, pintura, pegamento e tea de saco confeccionaremos un pin con forma de libro para lucir na nosa roupa.