Exposicións homenaxe ao pobo xitano

A sala de exposicións da nosa planta soto abre de novo as súas portas para acoller unha mostra fotográfica. Dende o luns 6 ata o sábado 18 de xuño poderedes visitar unha exposición dobre adicada ao pobo xitano de Narón que está formada por:

1. Somos xitanos e xitanas de Narón e esta é a nosa historia: fotografías de veciños e veciñas de Narón de etnia xitana.
2. Homenaxe ao pobo xitano de Narón: imaxes de entrevistas interxeracionais e interculturais de persoas de etnia xitana e doutras culturas.

Esta actividade está encamiñada a visibilizar e recoñecer a cultura xitana para acadar unha maior integración coa cidadanía.

O horario de visitas desta mostra será:

• De luns a venres de 17:00 a 20:00 horas.
• Sábados de 10:00 a 13:00 horas.