III Feira-Mostra do libro usado e de segunda man

En abril de 2013 celebramos por primeira vez a Feira-Mostra do libro usado e de segunda man, que tras o éxito dos anos anteriores celebra en 2015 a súa terceira edición.

Ao igual que en 2013 e 2014, enmarcamos esta actividade en abril, o mes do libro por excelencia, concretamente entre o luns 20 e o venres 24 (ambos incluídos) de 17:00 a 20:00 horas.

Se tes un lote de libros que xa non che fai falta, a biblioteca ofréceche a oportunidade de vendelos ou trocalos, para o que che asignará un posto de venda e troco na planta baixa do edificio. Só haberá dez postos, así que as persoas interesadas deberedes:

• Solicitar a participación na actividade mediante a presentación dunha  instancia no Rexistro Xeral do concello a partir do sábado 28 de marzo. Os postos outorgaranzse por rigorosa orde de entrada das instancias no rexistro.
• Expoñer un mínimo de 25 exemplares para a venda ou troco cada día.
• Cumprir os horarios establecidos para a actividade.
• Facilitar ao final de cada xornada os datos de vendas e trocos para elaborar a estatística.

Para participar como expositor/a é necesario estar dado/a de alta como usuario/a da Biblioteca e coas cotas actualizadas o día de apertura do prazo de solicitude. Deberán absterse de participar aquelas persoas relacionadas co sector editorial, distribuidor ou libreiro, así como da actividade económica de mercado de compravenda.

Anímate a participar!

Para máis información diríxete ao mostrador da biblioteca ou chama ao 981 382 173.