Contos miúdos

O sábado 10 de outubro ás 11:00, a Biblioteca Pública Municipal de Narón acollerá Contos miúdos, unha actividade de contacontos dirixida a nenos e nenas a partir de 3 anos, a cargo da contacontos Paula Carrera.

A actividade propón abrir unha maleta moi especial, chea de contos e xogos pensados para as persoas máis miúdas, na que a narración se converte nunha experiencia vivida e compartida.

A través de contos de dedos, contos narrados e cantados, os nenos e as nenas poderán descubrir diferentes formas de contar historias e achegarse ao mundo dos contos dende a participación, o xogo e a imaxinación.

A proposta emprega diversas técnicas para manter a atención, provocar o asombro e convidar a mergullarse no universo das historias, descubrindo que os contos poden contarse e vivirse de moitas maneiras.

Para participar:

• Os nenos e nenas teñen que ter os 3 anos feitos e o carné da rede de bibliotecas sen sancións pendentes.
• É necesario reservar praza a partir do martes 6 de outubro ás 16:00 horas.

Esta actividade está cofinanciada pola Consellería de Cultura, Educación e Universidade dentro do programa Ler conta moito.