O mundo ao revés

Este sábado 8 de marzo, Día internacional da muller, a compañía Trémola Teatro tráenos un espectáculo moi especial para promover a igualdade entre nenos e nenas a través dun conto.

Que pasaría se o mundo funcionase ao revés?

Jaime é un neno de oito anos apaixonado polo fútbol. No seu colexio é o mellor xogador, pero todo cambia cando se traslada con súa familia a Revelandia, un país onde as normas son moi diferentes. Alí todas as grandes deportistas son rapazas! Como se sentirá Jaime sendo o único rapaz no equipo de fútbol?

Este é un conto con perspectiva de xénero que nos convida a reflexionar sobre os estereotipos e a igualdade entre nenos e nenas, sempre dunha maneira divertida e participativa.

Para acompañar a Jaime nesta aventura:

• Os nenos e nenas teñen que ter os catro anos cumpridos e o carné da rede de bibliotecas sen sancións pendentes.
• É necesario reservar praza a partir do mércores 5 de marzo ás 16:00 horas, no mostrador da sala de adultos/as ou chamando ao 981382173 en horario de apertura.