#VersosdeBalda, agora tócache a ti!

Como moitos e moitas sabedes, xa levamos tempo compartindo nas nosas redes sociais os #VersosdeBalda, composicións que creamos a partir dos títulos de libros, xogando coa disposición e combinación das palabras para formar poemas.

Para celebrar o Día mundial da poesía, efeméride que se conmemora cada 21 de marzo dende o ano 2000, convidámosvos a participar nun obradoiro no que vos explicaremos a técnica para compoñer estes textos e vos daremos unha morea de libros para elaborar os vosos propios.

Esta actividade, que se desenvolverá o sábado 22 de marzo ás 11:00 da mañá, está orientada a todos os públicos a partir de 5 anos pero especialmente deseñada para participar en familia, polo que é unha oportunidade perfecta para compartir un tempo de xogo, creatividade e aprendizaxe cos vosos fillos e fillas.

Para participar:

• Todas as persoas teñen que ter os cinco anos cumpridos e o carné da rede de bibliotecas sen sancións pendentes.
• Reserva a túa praza a partir do martes 18 de marzo ás 16:00 horas, de maneira presencial ou chamando ao 981382173 en horario de apertura.