Contacontos

Trasnadas

O sábado 25 de abril ás 11:00 a nosa biblioteca convértese nun lugar de risas e imaxinación. Ana Carreira celebra con nós o Día internacional do libro co seu espectáculo de contacontos Trasnadas, pensado para nenos e nenas a partir de 3 anos xunto coas súas familias.

Ana Carreira conta:

"Sempre houbo contos de trasnos, eses argalleiros que case non se deixan ver, pero que se fan notar. Se se meten na casa, na escola ou na biblioteca poden aparecer cousas rotas ou cambiadas de sitio ou que te persigan, xa que aos trasnos seica...

Chistes que foron contos

O venres 24 de abril ás 19:30 h teremos na biblioteca unha nova cita coa palabra contada, dirixida a público xuvenil e adulto. Baixo o título Chistes que foron contos, o narrador Avelino González propón unha viaxe pola memoria colectiva na que o humor serve de fío condutor para descubrir historias que levan moito tempo agardando ser escoitadas.

Moitos dos chistes que circulan hoxe teñen a súa orixe en contos antigos. Rabuñando un pouco aquí e acolá, aparecen personaxes pintorescos ou relevantes, lendas de mouras e tesouros, anécdotas e...

Estás como unha cabra

O sábado 18 de abril ás 11:00 h a biblioteca converterase nun espazo cheo de emocións, cores e descubrimentos coa visita da compañía Lalá Teatro, que presentará o espectáculo para bebés de 6 a 36 meses titulado Estás como unha cabra.

A protagonista desta proposta é a Cabra Chiña, que hoxe está algo rara… que lle pasará? Parece que ten un pequeno lío coas emocións, e entre todas as persoas asistentes axudarémola a recoñecelas e poñelas en orde. Ao longo da sesión, exploraranse sentimentos como a alegría, a...

Un maletín cheo de bicos!!

O vindeiro sábado 11 de abril ás 11:00 h conmemoramos na biblioteca o Día internacional do bico cunha actividade pensada para nenos e nenas a partir de 4 anos. Será unha sesión dinámica e multidisciplinar na que descubriremos a orixe desta curiosa celebración, gozaremos cun contacontos e remataremos cun pequeno obradoiro creativo.

Nesta parte final, cada participante poderá dar renda solta á súa imaxinación elaborando o seu propio “maletín de bicos”, un recordo moi especial para levar para a casa.

Para participar:

  • Os nenos e...
Que pasaría se o mundo quedase sen bágoas?

O vindeiro sábado 7 de marzo a biblioteca acolle un contacontos de Ana Meilán que nos convida a reflexionar sobre as emocións, os estereotipos e a igualdade a través dunha historia tan sinxela como profunda.

A historia preséntanos a Simón, un neno que, canso de que lle chamen chorón, decide gardar as súas bágoas debaixo da cama. A partir dese xesto aparentemente pequeno, o conto abre unha pregunta enorme: que pasaría se deixásemos de chorar? Que sería dun mundo no que ocultar as emocións fose a norma?

Celebramos esta actividade o día previo ao 8M, Día Internacional da Muller...

A máquina do tempo das científicas

O sábado 7 de febreiro a compañía Trémola Teatro tráenos á biblioteca actividade infantil A máquina do tempo das científicas, un contacontos teatralizado pensado para público miúdo con ganas de descubrir, preguntar… e viaxar no tempo sen mover os pés do chan.

A historia comeza cando Ángela, explorando o soto da súa casa, atopa unha máquina do tempo máxica. Ao poñela en funcionamento, viaxa ao pasado e coñece mulleres extraordinarias que cambiaron a historia da ciencia. Nesa viaxe algo non sae como estaba previsto: a máquina...

Viaxe aos soños con Hoffmann

Na Biblioteca Pública Municipal de Narón convidámosvos a mergullarvos no universo máxico e imaxinativo do escritor alemán Ernest Theodor Amadeus Hoffmann, coincidindo coa celebración do 250 aniversario do seu nacemento.

Nesta actividade, dirixida a nenas e nenos a partir de 4 anos, descubriremos quen foi este autor tan singular e achegarémonos a unha das súas historias máis fascinantes. Coñeceremos ao Home de area, un personaxe misterioso que viaxa polas noites deixando un po máxico para axudar a durmir e a soñar.

Tras a narración do...

Somos iguais, somos diferentes

Con motivo do Día internacional das persoas con discapacidade, as alumnas do Grao Superior de Integración Social que están a facer prácticas na nosa biblioteca prepararon un proxecto moi especial: unha actividade multidisciplinar para nenos e nenas a partir de 4 anos e as súas familias. Baixo o título Somos iguais, somos diferentes, ofrécennos unha actividade que mestura contacontos, audiovisual e obradoiros coa que nos convidan a entender e valorar as capacidades diversas.

A actividade, que vai ter lugar o mércores 3 de...

Unha presada de castañas

Dende o tempo dos celtas, coa chegada do outono os nosos antepasados apuraban o remate da tempada de colleitas e as familias preparábanse para as longas e frías noites de inverno.

Nese momento as despensas desbordaban cereal, mel, viño, carne curada da matanza e, por suposto, castañas.

O sábado 22 de novembro ás 11:00 recibimos a Caxoto Contacontos co seu espectáculo Unha presada de castañas, co que fai un repaso ás nosas tradicións relacionadas co magosto mentres elabora un zoncho, o colar de castañas que cando era...

Os Bolechas e as familias acolledoras chegan á biblioteca

O sábado 8 de novembro ás 11:00, a biblioteca acollerá unha sesión de contacontos moi especial dirixida a nenos e nenas a partir de 4 anos e ás súas familias.

Da man da Asociación Galega de Familias de Acollida (Acougo) chega Os Bolechas: Familias acolledoras, unha actividade baseada no proxecto didáctico promovido pola Secretaría Xeral da Lingua, a Dirección Xeral de Familia, Infancia e Dinamización Demográfica e Bolanda Edicións.

A través das aventuras dos irmáns Bolechas e do novo personaxe, Balbino, ...

Páginas