Contacontos

Un rapaz de aldea

Este sábado 30 de novembro ás 11:00, convidámosvos a revivir na biblioteca a historia de Memorias dun neno labrego da man de Caxoto Contacontos ! Nun divertido percorrido pola súa propia infancia na aldea dos anos 90, Caxoto mestura as súas lembranzas coas de Balbino, o protagonista da obra de Neira Vilas, nunha viaxe pola vida dos nenos e nenas de aldea de onte e de hoxe. Será un espectáculo inesquecible para descubrir, rir e aprender sobre a Galicia rural a través da narración oral.

Para participar:

  • Os nenos e nenas teñen que ter os catro...
Burromaquia

 

O vindeiro sábado 2 de novembro ás 11:00 a biblioteca recibe á compañía Fantoches Baj coa súa actividade de contacontos infantil e familiar Burromaquia.

Neste espectáculo de narración oral encontrámonos cunha selección de contos, fábulas, poemas e cancións na que se fala con simpatía dese animal tan entrañable que é o burro. A través da súa participación, os nenos e nenas irán descubrindo a historia do burro da Tía Lola, personaxe que popularizaron nun pasodobre os gaiteiros Os Dezas de Moneixas.

...

Contos de revolución

O venres 25 de outubro ás 19:30 Dani Blanco ofrécenos un espectáculo único onde a teoría do caos e as revolucións históricas se entrelazan coa obra mestra de Neira Vilas, Memorias dun neno labrego.

Partindo da famosa idea de que o bater de ás dunha bolboreta en Australia pode provocar un furacán en América, este espectáculo transportaranos dende Buenos Aires ata a caída do Muro de Berlín. No camiño, faremos parada en momentos icónicos como o maio do 68 en París ou fenómeno musical dos Tamara.

Nun ton sempre humorístico, esta viaxe é unha homenaxe á...

Contacontos sensorial

O sábado 19 de outubro ás 11:00 convidámosvos a participar nunha nova sesión de contacontos pensada especialmente para bebés e as súas familias.

Nesta actividade, bebés e adultos/as acompañantes poderán gozar dunha experiencia chea de emocións a través das palabras, as cancións e os contos.

O Contacontos sensorial está deseñado para estimular os sentidos do tacto, a vista e o oído, ofrecendo aos máis pequenos e pequenas a oportunidade de explorar o mundo que os rodea dun xeito divertido e participativo.

Os/as...

Caxoto: grandes éxitos 2004-2024

O vindeiro sábado 5 de outubro ás 11:00 a biblioteca acolle unha actividade moi especial. Celebramos con Caxoto Contacontos as súas dúas décadas de traxectoria percorrendo as bibliotecas de toda Galicia cos seus espectáculos cheos de contos, cantigas e xogos.

Para conmemorar esta efeméride, Caxoto preparou unha selección dos seus maiores éxitos, destacando a parte máis musical. Será un espectáculo participativo e festivo, cheo de cantigas tradicionais, xogos musicados e bailes que farán as delicias de pequenos/as e maiores como cada...

Bruxa e abella

O vindeiro sábado 28 de setembro ás 11:00 recibimos na biblioteca á compañía Trémola Teatro co seu espectáculo Bruxa e abella. Nesta sesión os nenos e as nenas descubrirán a historia de Bruxa, unha meiga moi diferente ao resto que non quere ter un gato como mascota. Ela quere ter unha abella e convencerá a todos e todas de que as abellas poden ser as mellores compañeiras para as bruxas.

Se queredes que os vosos fillos e fillas descubran tamén o importantes que son as abellas para o noso mundo...

Unha receita contra as burlas

O vindeiro sábado 14 de setembro ás 11:00 horas, retomamos o noso programa de actividades infantís na biblioteca cun contacontos dirixido a nenos e nenas a partir de 4 anos e as súas familias: Unha receita contra as burlas.

Nesta sesión Nerea Brey presentaranos a historia de Marga, unha nena que comeza a ter problemas de visión e debe poñer lentes. O primeiro día que vai ao colexio con elas, algúns dos seus compañeiros e compañeiras comezan a burlarse dela. Tamén coñeceremos aos xemelgos, que asisten á mesma escola que Marga e que, pouco...

A nena do violino e a poesía

O vindeiro sábado 11 de maio ás 11:00 recibimos á compañía Trémola teatro cunha actividade infantil moi especial coa que coñeceremos mellor a Luisa Villalta.

Vide descubrir a súa fascinante historia nun percorrido dende a súa infancia, na que estaba inseparablemente unida ao seu “violino”, ata o día no que descubriu o seu primeiro libro de poesía.

A medida que crecía, Luisa Villalta enfrontábase a novas realidades que non lle gustaban moito e por iso decidiu que intentaría cambiar o mundo. Queres coñecer todo o que fixo para...

Todas as voces contan

O venres 15 de marzo ás 19:30 recibimos á compañía Trémola teatro que ven ofrecernos, no marco das conmemoracións do 8M, o seu espectáculo Todas as voces contan.

Manuela lembra historias e cancións de xuventude da súa avoa e da súa vida na aldea. Os tempos cambiaron, quizais demasiado rápido nalgúns aspectos, pero non o suficiente noutros. Manuela e a súa avoa teñen un plan, van rescribir o final das súas historias, onde a partir de agora, todas as voces conten.

A través deste espectáculo reflexionaremos sobre o paso do...

Contamos en igualdade

A biblioteca conmemora o Día internacional da muller cunha sesión de contos para nenos e nenas a as súas familias que leva por título Contamos en igualdade. A actividade terá lugar o sábado 9 de marzo ás 11:00 da mañá.

Esta actividade pretende rachar cos estereotipos dos roles tradicionais asignados aos personaxes dos contos en función do seu xénero, idade, etnia ou mesmo condición social, cultural ou funcional. A través de fermosos contos trataremos de reflexionar sobre a nosa relación coas demais persoas para...

Páxinas