Obradoiros

Escape room: Os misterios da biblioteca

O sábado 3 de outubro ás 11:00 a Axencia municipal da Gándara (situada na Casa da Mocidade) acollerá unha actividade orientada ao público xuvenil, nenos e nenas entre 8 e 16 anos: Escape room: os misterios da biblioteca.

A biblioteca agocha unha serie de misterios que deberán ser resoltos a través da cooperación e o enxeño. Nesta actividade, os mozos e mozas participantes converteranse en protagonistas dun auténtico escape room no que terán que observar, pensar, compartir ideas e traballar en equipo para superar os retos que se lles presenten....

Veráns de Lecer Consumo: dúas actividades para aprender xogando na biblioteca

Este verán a biblioteca acolle dúas actividades do programa «Veráns de Lecer Consumo», unha iniciativa da Xunta de Galicia, a través do Instituto Galego do Consumo e da Competencia, que achega a rapazada diferentes cuestións relacionadas co consumo responsable, os dereitos das persoas consumidoras e usuarias e o lecer activo, sempre a través de propostas lúdicas e participativas.

As dúas actividades desenvolveranse o venres 28 de agosto na biblioteca e están dirixidas a nenos e nenas entre 3 e 12 anos:

Ás 11:00 h · «...
Un mosaico para Gaudí

O sábado 13 de xuño ás 11:00 horas convertemos a biblioteca nun pequeno obradoiro modernista para achegar a nenos e nenas á figura de Antoni Gaudí, unha das grandes referencias da arquitectura universal e máximo expoñente do modernismo catalán. Sete das súas obras están declaradas Patrimonio da Humanidade pola Unesco.

Os nenos e nenas coñecerán curiosidades sobre a súa vida e a súa obra e experimentarán cunha das técnicas máis representativas das súas creacións: o trencadís, unha forma de mosaico elaborada con fragmentos de cerámica e...

Maios, a festa na biblioteca

Ao redor do 1 de maio Galicia celebra unha das súas tradicións máis singulares, a dos maios. Na biblioteca queremos conmemorar tamén esta festa cunha actividade especial que terá lugar o sábado 9 de maio ás 11:00.

Os nenos e nenas a partir de 4 anos están convidados/as a participar nunha dinámica para achegarse dun xeito lúdico a esta tradición. Ao longo da sesión coñecerán a orixe e o significado dos maios e porán en marcha a súa creatividade nun pequeno obradoiro colectivo no que contribuirán á elaboración dun maio.

Para participar...

Un maletín cheo de bicos!!

O vindeiro sábado 11 de abril ás 11:00 h conmemoramos na biblioteca o Día internacional do bico cunha actividade pensada para nenos e nenas a partir de 4 anos. Será unha sesión dinámica e multidisciplinar na que descubriremos a orixe desta curiosa celebración, gozaremos cun contacontos e remataremos cun pequeno obradoiro creativo.

Nesta parte final, cada participante poderá dar renda solta á súa imaxinación elaborando o seu propio “maletín de bicos”, un recordo moi especial para levar para a casa.

Para participar:

  • Os nenos e...
Viaxe aos soños con Hoffmann

Na Biblioteca Pública Municipal de Narón convidámosvos a mergullarvos no universo máxico e imaxinativo do escritor alemán Ernest Theodor Amadeus Hoffmann, coincidindo coa celebración do 250 aniversario do seu nacemento.

Nesta actividade, dirixida a nenas e nenos a partir de 4 anos, descubriremos quen foi este autor tan singular e achegarémonos a unha das súas historias máis fascinantes. Coñeceremos ao Home de area, un personaxe misterioso que viaxa polas noites deixando un po máxico para axudar a durmir e a soñar.

Tras a narración do...

Empaquetado de libros para agasallo

O Concello iniciou o pasado luns 1 de decembro unha campaña de recollida de xoguetes para as familias vulnerables. A recollida dos xoguetes está xestionada polo Centro de Recursos Solidarios de Narón que se encargará, coa axuda de persoas voluntarias, de clasificalos e envolvelos para seren entregados ás familias o día antes de Reis.

Como sabedes, o noso servizo colabora con esta campaña establecendo a biblioteca coma un dos puntos de entrega dos xoguetes e aportando libros que os nenos e nenas atoparán na súa...

Somos iguais, somos diferentes

Con motivo do Día internacional das persoas con discapacidade, as alumnas do Grao Superior de Integración Social que están a facer prácticas na nosa biblioteca prepararon un proxecto moi especial: unha actividade multidisciplinar para nenos e nenas a partir de 4 anos e as súas familias. Baixo o título Somos iguais, somos diferentes, ofrécennos unha actividade que mestura contacontos, audiovisual e obradoiros coa que nos convidan a entender e valorar as capacidades diversas.

A actividade, que vai ter lugar o mércores 3 de...

Exploradores do cerebro

A Biblioteca Pública Municipal de Narón invita a nenos e nenas a partir de 4 anos a embarcarse nunha viaxe divertida e educativa polos misterios do cerebro.

A través dunha viaxe pola neuroloxía, aprenderemos o que fai o noso cerebro, como se comunican as neuronas e por que este órgano é o gran “xefe” do corpo humano.

Coñeceremos tamén a Santiago Ramón y Cajal, o científico español que debuxou por primeira vez as neuronas e nos axudou a entender como funciona a mente.

E para rematar, poñeremos en práctica todo o aprendido xogando ao “Bosque do cerebro...

Os Bolechas e as familias acolledoras chegan á biblioteca

O sábado 8 de novembro ás 11:00, a biblioteca acollerá unha sesión de contacontos moi especial dirixida a nenos e nenas a partir de 4 anos e ás súas familias.

Da man da Asociación Galega de Familias de Acollida (Acougo) chega Os Bolechas: Familias acolledoras, unha actividade baseada no proxecto didáctico promovido pola Secretaría Xeral da Lingua, a Dirección Xeral de Familia, Infancia e Dinamización Demográfica e Bolanda Edicións.

A través das aventuras dos irmáns Bolechas e do novo personaxe, Balbino, ...

Páxinas